طيف عابر: مين خرم الاوزون ؟ 4 -->
  • zoom
  • zoom
  • zoom
  • zoom

مين خرم الاوزون ؟ 4

نرحب بانضمامك لمجتمع "طيف عابر" ضع بريدك وسيصلك كل ماهو مفيد لك ولأسرتك إن شاء الله:
ستصلك على الفور رسالة ترحيبية بها رابط الرجاء التكرم بالضغط عليه لتفعيل اشتراكك
كنت فى الحلقات الثلاثه الاول ( 1 ، 2 ، 3 ) كنت بدور ع اللغز اللى حيرنى و حير كتير من الشباب امثالى - بلاش اقول العباقرة ^^ -

و لكن رغم انها تلات حلقات كامله الا انى ما وصلت لجواب شافى للغز دا

فقلت ارجع اقعد ادام التلفزيون الكبيييييييييييييييييييييييير ابو 14 بوصة يمكن الاقى حل

فخير اللهم اجلعه خير بقلب كعادتى بعشوائيه فلقيت وحدة بتنتفض و تشنج و باين بتشتم واحد واقف ع منصه كده و خير اللهم اجعله خير شكلى شوفته قبل كده

قلت يا واد لا مش هو و ايه بس اللى هيجيبه هنا .. لا يا عم هو

تصورا طلع هو :((

أحمدى نجاد "الرئيس الايرانى" بيلقى خطاب ف مؤتمر "دربن 2 " و اللى كان منعقد ف جنيف


المهم باين كده انها كانت بتشتمه بالانجولى زى فلافيو لانه كان راسم وش تناحه أيه عثل عثل يعنى

فبصراحه شدنى الموقف انى اسمع الراجل دا بيقول و ايه خلى الست دى "تشرشحله" و الانجولى كمان

فقعد و بصراحه زى ما بيقولوا كده اتسلطنت اخر سلطنه من كلامه اللى حسسنى انى بسمع واحد محترم محترم يعنى

كلام صراحه فل الفل ، لأ و إيه اللى يسمعه و هو بيبدأ بالبسملة و الصلاة و السلام على خير الانام محمد صل الله عليه و سلم يقول خليفة الله فى الارض و امام المسلمين و اللى يسمعه و هو بيقول القدس و فلسطين تشعر انه صلاح الدين -طيب الله ثراه- او واحد عربى ابن عربيه -أحدث من الفايت 128-

يعنى ليهم حق اللى بيزمروا و يهيصوا و يطلبهوا ليه و للدور "الايرانى" فى المنطقه و من حقهم بعد الخطاب دربن يرقصوا "ملط" ف الشارع - و اللى ما يشترى يتفرج ^^ -

فالراجل اثبت انه عربى اكتر من العربيين -جمع الجموع لعرب >:(
مسلم اكتر من المسلمين

لكن تعالوا اقولك شئ بئه مهم عن احمد نجاد و امثاله :

إن كذلك كان هكذا و لولا هكذا كان كذلك ما كان كذلك اصبح هكذا و رغم ان هكذا اصبح كذلك و كذلك كان هكذا فان هكذا و كذلك ما يعرفوش بعض

طبعا مش فاهمين لكن حسين- من الحاسسه- ان ف كلام مهم اتقال اكيد ^^

اقصد يا حضرات ان الناس دى بتعرف تكلم كويس اووى و تلعب ع عواطفنا و بتجار بيها و بمشاعرنا
فالكلام جميل و كلام موزون ما اقدرش اقول حاجه عنه
لكن الفعل قبيح و جدا جداا جدااا و لا ادل ع ذلك من اللى حصل ف افغانستان و ما حدث قديما ف لبنان ع يد حركه فشل -أمل- و اللى انشقت عنها حزب الات ف الجنوب
و اللى حصل و بيحصل و مازل ف العراق الحبيب


دلوقتى و فى سركم لتودونا ف داهيه :$

تعالوا بئه اقولك شئ اهم على حكامنا و زعمائنا الاشاوس -يعنى ايه الاشاوس دى:( -

गलक ल;क्वेल्क क्वेओप्र्वे ;क्वे
;ल्क्फ्वेक प्वेक्पोवे वेओइर्वे
ओकेज्र्पोवेक व्पोर्वेक्र्प्वे वेर
ल्क्फ्क्ल्द्स्ज्ल्क्फ्ज'एल्व्ज'र्फ्वेज
ल्जेव्फ्ज्वेल्ज्क्फ़
वे


طبعا مش فاهمين ؟!!
ما تقلقوش فانا اللى كاتبه اصلا مش فاهمه حاجه ^^

اللى اقصده ان حكامنا بيكلمونا هندى و هندى عبيط

فلا اقوال و لا افعال و الله المستعان

أحم احم

احنا قلنا حاجه؟!!

اللى هيقول آه منكم هبلغ عنه و اقول انه آمير الجماعه *_^



و مازلنا نبحث عن مين خرم الاوزون

لكن حابب قبل ما أسبكم تبصوا بصه ع التدوينه دى

سلامتها أم حسن

يلا اشوفكم قريب إن شاء الله
---------
أحمد عمر- يلا يا عم فشكول هو مضيتلك أهو^^-
إنشرها فى مدونتك! | إرسلها لصديق! | إطبعها! | 11 تعليق
هل أعجبتك المقالة؟

author

عنى

كتب هذه التدوينة: أحمد عمر - وهى واحده من العديد من المقالات كتبتها لـ مدونتى طيف عابر وهى محاولات بسيطه لالتماس الواقع بأيدى صغيرة لمستقبل كبير .. تقدر تلاقينى هناتويتر, فيس بوك أوتراسلنى من هنا



طيف عابر
26‏/4‏/2009 | التصنيف: | 11 تعليق

11 تعليق على"مين خرم الاوزون ؟ 4"

  • 26 أبريل 2009 في 12:44 م
    سما أحمد says:

    ههههه
    والله كلام زي الفل يا احمد
    وعنجد في كتير مشى عليهم هالحكي وصدقوه
    ولكن اللعبه اتوقع بقت مكشوفه اكتر مهما حاولوا يلعبوا

    عجبني انك معاك لغات
    وبقيت تتكلم هندي وفارسي كمان
    ده غير الانجلش والايجبشن والجوردينيان والموريكان هههه
    :)
    مشكووووووووووووور
    امتى بئة نعرف مين اللي خرم الاوزون بس

  • 27 أبريل 2009 في 3:05 ص
    د. ياسر عمر عبد الفتاح says:

    لما لقيتك بتشكرفي نجاد الأول
    قلت مستحيل حد بفكرك ودماغك ينضحك عليه كده
    مكنتش مصدق
    وقاعد مستني الإنة اللي في الموضوع
    لحد ما جاتت في الأخر

    بس برضه بفرح لما بيقعد يجعجع بكلمتين كده
    رغم إني شوية ميال للراي اللي بيقول إن كل ده تمثيلية هزلية
    واللي حصل في أفغانستان خير دليل

  • 27 أبريل 2009 في 7:15 ص
    Soul.o0o.Whisper says:

    ????????????

    هو التعليق راح فين؟؟؟
    مش ظهر ليه؟؟

  • 27 أبريل 2009 في 7:17 ص
    Soul.o0o.Whisper says:

    اييييييييييه داااااااااااا؟؟؟

    التعليق الاول اتاكل
    عاااااااااااا


    طيب المختصر بتاعه يعنى كنت باقولك
    ممكن أسأل سؤال


    الا هو مين الاوزون ؟؟ *_^


    آنسة .. آآآآآآآآآآآآآآسسسسسسسسسسسف
    (( و لا تزعلى يا سما :)

  • 28 أبريل 2009 في 1:51 م
    غير معرف says:

    سما:

    يعتقد البعض منا ان عدو عدونا صديق صدوق رغم انها ليست قاعده يركن اليها ..

    -----

    بخصوص اللغه :
    فانت نستى ان معى خليجى برضه ^^

  • 28 أبريل 2009 في 2:31 م
    غير معرف says:

    د\ ياسر :

    لا شك اننا ف بعض الاحيان نجد نشوه عندما يتحدث هؤلاء بلغه قويه .. حتى لو لم تكن افعالهم ع نفس المستوى .

    اشكرك و يسعدنى كثيرااااااااااا تواجدكم بوركت و بارك الله حياتك

  • 28 أبريل 2009 في 2:47 م
    فشكووول says:

    السلام عليكم احمد بك عمر
    كل واحد يا احمد بك سواء الايرانى او الاسرائيلى او الامريكى عنده اجندته الخاصه اللى عايز ينفذها.. لكن ايهما اقرب لنا المسلم ام الاسرائيلى؟
    الوحيدين اللى ما عندهمش اجنده الجماعه الغجر دول وانت وانا عارفينهم وما فيش داعى نجرح فيهم اكتر من اللى بيحصل كفايه عليهم اسرائيل
    طب احنا فين من دا كله
    فين الاجنده بتاعتنا
    مش عايز اقول الاجنده العربيه
    ولا عايز اقول الاجنده الاسلاميه
    لان ايران اسلاميه ولها اجنده تختلف عن اجندتنا
    طب فين بقى اجندتنا القوميه
    طز فى الجميع .. وطز اهم فى الجماعه الغجر دول ومش اقول عليه وكفايه عليهم اسرائيل
    تاعب نفسك وعايز تعرف مين اللى خرم الاوزون ليه
    ما تزنش يا عم احمد عشان الموضوع مكعبل خالص وانا مخبى عليه وما حدش يعرفه فى الدنيا كلها غير انا عشان انا اللى خرمت الاوزون
    تحياتى

  • 29 أبريل 2009 في 2:16 م
    غير معرف says:

    آنسه آآسف:


    الاوزون ؟!!!

    لم اتصور يوماً ان احداً سيسألنى هذا السؤال لذا لم اعنى تماما بالبحث عنه ^^


    أشكرك كثيرا لتواجدك و لا حرمنا الله من قلمكم :)

  • 29 أبريل 2009 في 2:25 م
    غير معرف says:

    العم فشكول :

    لقد وضعت يدك كعادتنا بكم ع الجرح ففعلا لا احد ف منطقتنا بل ف العالم اجمع الا و لديه اجندته الا الغجر و انت ان لم تصرح بهم فانا لدى من الشجاعه الكافيه ان اقول انه بلا فخر (نحن) ..

    اقولها و تتوارى اصابعى خجلاً لكن هذه هى الحقيقه .. حقيقه اننا (معاهم معاهم عليهم عليهم) و كما اشرت سابقاً ان اغلب الخطاب الموجه لمنطقتنا اما خطاب طامع او (مستبهبل) و اما خطاباتنا ففى اغلبها زى ما اشرت تتراوح بين (هندى) و(هندى عبيط) ..

    اشعر بان كلماتك حارقه ^^

    بارك الله ف عمرك و لا حرمنا الله منكم :)

  • 10 مايو 2009 في 6:54 م
    غير معرف says:

    انا فتاةفى14كان لدى صديقةكنا صديقاتان مقرابتان جدا من بعضنا وكانت دائما تقول لى انها تحبونى فتعلقت بها جدا افكر نها طول الوقت ولكن بعد مدة بدات تتبعد عنى وكانت تتبعد تم ترجع ولكن الان رحت والمشكلة انى انسها وعندما تتكلم معى اتتكرها تم انسها ولكن هده المر ة لم تتكلم مع ابد وانا نسيتها وفى اخ السنة بدات تتكلم معى ندرا والان عوة افكر بها كتيرا و ابكى عليها وكائنها تفعل هدا عمدا مادا افعل هل انسها ارجوك ساعدنى مع تحياتى

  • 22 يونيو 2009 في 2:07 م
    مجرد مدونة says:

    العاطفة مفتاح الشعوب اللى يعرف يستعطف الناس يملك قلوبهم وعقولهم

إرسال تعليق

( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )

عزيزى الزائر .. أن لم يكن لديك الوقت الكافى لتسجيل الدخول أو لم يكن لديك حساباً فى blogger فيمكنك ببساطه التعليق عبر أستخدام خاصيه (مجهول) أو ( الاسم \ العنوان ) من القائمه المنسدله أسفل مربع التعليق .. علماً بننا يمهمنا كثيراً سماع رأيك مقدرين كثيراً وقتك الذى منحتنا اياه لقرائتك سطورنا :)