-->

نرحب بانضمامك لمجتمع "طيف عابر" ضع بريدك وسيصلك كل ماهو مفيد لك ولأسرتك إن شاء الله:
ستصلك على الفور رسالة ترحيبية بها رابط الرجاء التكرم بالضغط عليه لتفعيل اشتراكك

هو فى غير "خُرم" الاوزون نفكر فيه؟

بعد السلام و التحية عاملين أيه؟ و أزيكم ؟! و أخباركم؟! و إيش لونكم ؟!

أبيض مزدهر ان شاء الله ولو لون غير كدة-فأنصحكم بستعمال كلوربوكس ^^ -

كانا اتكلمنا ف الحلقة اللى فاتت و اللى كتير ما فهم حاجه منها-ال يعنى كنت انا اصلا فاهم-

عن اللهجات اللى حلت بدل من اللغة العربية الفصحى الأصيلة و اللى ف الحقيقه عشقى الاول ف الكتابة

و كنا تطرقنا شويه لموضوع التربيه بضرب نموذج الراجل اللى بيكركر جوزه ف بيته او ف القهوه ادام العيال و بينفخ الدخان ف وش نبويه أم العيال
و هو اللى يتفرض يعنى يكون قدوه حسنه- ما تقولش ف سجن :-( -

كح كح كح

اطف السجاره يا عم صلاح يا منقهر احسن اقول لعم احمد اللى هو اصلا اسمه برضه صلاح -:(

المهم إننا نسينا نجاوب ع السؤال الرئيسى

مين خرم الاوزون ؟!

ف الواقع و اعرف ان ما دام اللى بيكلمك قالك ف الواقع يبئه هيكدب ^^

لكن طبعا انا ما بكدب :-)

المهم

الحكايه أصلاً إنى كنت ف مصر زيارة كده .. و مصر دى بالنسبه للاقاليم تشمل القاهره و الجيزة و القليوبيه و ضواحيهم :-(

ولأن ف الاقاليم الدينا هاديه شويه و المواصلات ما فيها زحمة -الا لو رايح جامعتك مثلا و يا ويلك لو ف بنى سويف :-(

افتكر إنى ف يوم جلست واقف -طبعا واقف يعنى اكدب عليك- ف البتاع اللى بنركبه و بنمر دا ما يقرب من ساعتين دا علشان اروح ازور صديق لى ف مدينه نصر

و طعباً القاهريين تشعر انهم تأقلموا خلاص ع الوضع دا

فخير اللهم ما إجعله خير لما تدخل البتاع ابو نمر دا تحس ان الناس دى اصلا مبيتين فيه من فتره و تشعر بألفه غريبه بهم و بين الكمسرى و السواق اللى ف الغالب مشغل اغنيه هابطه و عمال يفرمل كل دقيقه لما
الناس ركبهم خبطتت ف بعضها

و غالبا ما تسمع الحوار دا :
يا اسطى حاسب

حاضر يا بيه

يابنى ع مهلك

طيب يا امى

يخربتك هتموتنا

بلاش غلط يا هانم

يمينك يباشا

بسرعه يا كابتن

ع ايدك يا بنى

ع مهلك يا ستى

دا لو كنت سعيد الحظ و ما حصلتش خناقه و اللى ف الغالب بسبب ان البيه السواق مش راضى يوطى الكاست شويه -تقول شرينا بـفلوسه-
طبعا و تسمع فاصل من اعذب الالحان لو تجرأت و ادخلت و كل واحد يلم لسانه جوه بئه و يقعد ساكت -ال يعنى هيلاقوا مكان يقعدوا فيه:-(

المهم

المسيرة تستمر لحد اما ينزل اى محشور ليحل بدلاً منه مجموعه محاشير -و لا كانهم بيدلو ف ماتش كوره -
الغريبه اللى طالع دائما أكتر من اللى نازل :-(

المهم إن الحياة بتستمر كدة ف البتاع أبو نمر الطويل اللى بيدخن دايما من ورا دا:-(
-اللى محيرنى ازاى هطبقوا عليه القانون بتاع شنطه الاسعاف دا هو لوحدة عاوز اسعاف يمشى وراه :-(

ما علينا

طبعا مش عيب نكون دوله نايمه اقصد ناميه^^

لكن فعلا دا وضع خطير

ان حياتنا تتحول الى طوابير ف المخابز و المصالح الحكوميه و المواصلات و الناس -اللى هم الشِعب يعنى-
يتحولوا لمجموعه من المحاشير ف كل الطوابير دى

الاخطر ف الوقت اللى بنضيعه فعلا ف اشياء تبدو غير مهمه و يمكن تفاديها

فتصور ساعتين مثلا ف المواصلات و اتنين ف المخبز و اتنين ف الجمعيه و تلاته ف مصلحه حكوميه و اللى ف الغالب تسمع بعد ما يجيى عليك الدور
فوت علينا بكره يا فندى و طبعاً يجيلك شلل سداسى -لاعب كوره قديم بئه :-(

قولولى كدة

يتبقى لعمر اى انسان ايه ف اليوم؟

دا و سبكم كمان يعنى من الشلل اهو نعلاجه و ع اعتبار ان المواطن صاحبنا المحشور باااااااااارد و ما بيتخانق يعنى

لكن ساعه فاتت ازاى نقدر نعوضها؟!!

دا يعنى لو حسبنا 8 ساعات نوم و 4 ساعات اشياء اساسيه يعنى طار كده من اليوم ع قليله 14 ساعه و تلت -التلت اللى بيشتغله الموظف ف اى مصلحه حكوميه -:) -


شوفتوا بئه لاسف الحاجة بتصرخ ف وشى و بتقولى قوم يابنى كفايه حرام عليك عينااااااااااااااااااااااااااااااااااااااااك انت واخد ايه من الهباب دا -قصدها بعيد عن السامعين النت :-)
تييييييت تيييييييييييييييييت تيييييت

-كلام محذوف طبعا :$-

دا واصل منفرد للحاجه

^^

للاسف نسيت أقولكم مين خرم الاوزون ؟

هقولكم المرة الجايه ان شاء الله انتو زهقتوا ولا ايه؟

لكن قبل ما اسبكم

قولولى رأيكم

هل الوضع الحالى مشجع لخلق مجتمع نام و متطور؟!!
و هل انت فعلا بتستغل وقتك كما ينبغى؟!! ولا بتركب البتاع ابو نمر الطويل و اللى بيدخن من ورا :-( ؟

يلا سمعونى رأيكم

أشوفكم قريب إن شاء الله ^_^


11 تعليق على"مين"خَرم" الاوزون ؟! 2"

  • ههههههههه
    حقيقي احمد وفي الواقع بس والله ما بكدب *_*
    نقد ساخر انا كتير بحبه وبشعر انه الفكرة عن طريقه تصل اسرع من النقد المباشر النكد بعيد عنك:)
    فكرة اكتر من رائعه احمد واتوقع للاسف الحال هاد موجود منذ الازل ويبدو بيفضل معلم زي اي معلم آخر من معالم دولنا العربية النايمة عفوا النامية
    وعلى فكرة
    هو مين اللي خرم الاوزون بئة :(

  • هل الوضع الحالى مشجع لخلق مجتمع نام و متطور؟!!
    و هل انت فعلا بتستغل وقتك كما ينبغى؟!! ولا بتركب البتاع ابو نمر الطويل و اللى بيدخن من ورا :-( ؟

    الوقت احمد حقيقي الله يرحمه
    فعلا نحنا ظلمناه معانا ونتفنن في قتله
    لي عودة لمناقشة اكبر ان شاء الله

  • الله يعزك شيل البتاعه دي ...بتاعه الحروف علشان نعرف نعلق هدومنا هو الواحد يقرف حتي فبي التعليق ...مش كفايه القرايه!!!
    الي خرم الأوزون يا سيدي ...واحد قعد يلعب في مناخيره ...خرمها وهات يا لعب الي ان خرم الأوزون ماهو بيخرم فيه بقي له 30سنه!!!

  • سما :


    أعجبنى كثيراً (فعلا نحنا ظلمناه معانا ونتفنن في قتله) و للاسف مقاله تنطبق ع الكثيييييييييرين

    لكن لما هذا هو الواقع؟!!

    سأل سيظل يبحث عن إجابه

  • أخى فركشاوى .. ناوى :


    سأسعد كثيراً أن وجدت عندكم إجابه للسؤالين :


    هل الوضع الحالى مشجع لخلق مجتمع نام و متطور؟!!
    و هل انت فعلا بتستغل وقتك كما ينبغى؟!!

    و ما تنساش تقولنا انتبتركب البتاع ابو نمر الطويل و اللى بيدخن من ورا ولا لأ :-( ؟

  • فركشاوى .. :

    حضرتك بتجد صعوبه ف القرأه ؟!!

    لو هناك مشكله فاتمنى ان حضرتك لا تتردد ف إبلاغى للارتقاء بمستوى المدونه :-)

  • مقال ساخر...وبالتأكيد كلنا تسببنا في خرق طبقة الأوزون
    إن لم يكن بدخان العصر الحديث...سيكون بزفرات الضيق من الفتن والصراعات بيننا التي طغت على روح المحبة
    وأكيد الوضع الحالي مش أسوأ من الجاهلية الأولى
    وأكيد لنا قدوة في الحبيب صلى الله عليه وسلم وصحابته
    أقاموا الإسلام بمبادئه من الشرق إلى الغرب
    فقط نحتاج أن نتحد كما اتحدوا
    ونعرف قيمة ديننا...وبعدها سيأتي التغيير
    وأما عن الوقت
    فأحاول أن أستغله قدر استطاعتي

    بارك الله فيك
    وجزاك الله مقام المتقين

  • أخي العزيز...
    السلام عليكم ورحمه الله وبركاته.
    هل الوضع الحالى مشجع لخلق مجتمع نام و متطور؟
    نعم ..أي نعم الوضع الحالي مشجع ومشجع جدا لخلق مجتمع نايم و متهور...
    و هل انت فعلا بتستغل وقتك كما ينبغى؟
    فعلا أستغل وقتي.. ولكن كيف ينبغي ؟أن استغله وقد أستغلتنا ظروف حياه وشغلتنا عن الحياه .
    عزيزي...المدونه راقيه وراقيه جدا...بس شيل حروف التأكيد الي في التعليق دي!!!

  • لأ...انا بركب البتاعه الصغيره دي و حمرا كمان وما بدخنش من ورا...كانت بتشرب سجاير وبطلت.بدخن بايب اليومين دول..

  • (أم البنين) :
    أهلاً أخية و مرحباً و سعداء جدااا لتواجدك معنا :-)

    ---
    بخصوص مداخلتك :

    أعجبنى كثيراً قولكم :(سيكون بزفرات الضيق من الفتن والصراعات بيننا التي طغت على روح المحبة)

    فزفراتنا تكاد تحرك كوكبنا لا فقط ان "تخرم" ثقب الاوزون .. و ان كانت أجابتك صحيحه لكن تابعينا للتعرفى ع الاجابه كما أرها و وقتها دعينا نتفق او نختلف عليها ..

    سعدتُ كثيراً بتواجدكم و كم سأسعد حقاً ان دام هذا التواجد

    بارك الله لك ف نفسك و اهلك :-)

  • المحارب (فركشاوى .. ناوى) :

    سعدت كثيرا بعودتك أيها البطل مرة أُخرى لتدلو بدلوكـ ..

    ع قدر ما بمداخلتك من طرافه ع قدر ما بها من آلم ع أمه سادت يوماً ما الامم ..


    لكن هل من سبيل؟!!

    ---
    بخصوص البتاع الطويل ابو نمر و اللى بيدخن من ورا

    فاعتقد انه مجتمع وحدة يسير ع اربع عجلات و لذا فاعد نفسك من سيئ الحظ لتملكك بتاعه حمرا و ما بتدخن من ورا >_<

    سعيد جداا لاتوصلك أخى :-)

إرسال تعليق

( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )

عزيزى الزائر .. أن لم يكن لديك الوقت الكافى لتسجيل الدخول أو لم يكن لديك حساباً فى blogger فيمكنك ببساطه التعليق عبر أستخدام خاصيه (مجهول) أو ( الاسم \ العنوان ) من القائمه المنسدله أسفل مربع التعليق .. علماً بننا يمهمنا كثيراً سماع رأيك مقدرين كثيراً وقتك الذى منحتنا اياه لقرائتك سطورنا :)